ಸಾಂತ್ ಆಂತೊನಿಚೊ ತೇರ್ಸ್(Chaplet of St.Anthony)

ಸಾಂತ್ ಆಂತೊನಿಚಾ ಮಾನಾಕ್ ತೆರಾ ಉಲ್ಲ್ಯಾಂಚೊ ತೇರ್ಸ್

ಬಾಪಾಚೆ  ಆನಿ  ಪುತಾಚೆ  ಆನಿ  ಪವಿತ್ರ್ ಅತ್ಯ್ಯಾಚೆ  ನಾಂವಿಂ.  ಆಮೆನ್.

ಆಪೊಸ್ತಲಾಂಚಿಂ  ಸತ್ಮಾನ್ತಾಂ

  ಸತ್ಮಾನ್ತಾಂ  ದೆವಾಕ್  ಸರ್ವ್  ಪದ್ವೆದಾರಾ ಬಾಪಾಕ್  ಸರ್ಗಾ  ಆನಿ  ಪ್ರಿತುಮಿಚ್ಯಾ ರಚ್ನಾರಾಕ್,  ಆನಿ  ಜೆಜು  ಕ್ರಿಸ್ತಾಕ್  ತಾಚ್ಯಾ ಎಕ್ಲ್ಯಾಚ್  ಪುತಾಕ್,  ಆಮ್ಚ್ಯಾ  ಸೊಮ್ಯಾಕ್  ತೊ ಪವಿತ್ರ್  ಅತ್ಯ್ಯಾಂ  ವರ್ವಿಂ  ಗರ್ಭಿಂ  ಸಂಭವ್ಲೊ ಆಂಕ್ಟಾರ್  ಮರಿಯೆ  ಥಾವ್ನ್  ಜಲ್ಮಲೊ.  ಪೊನ್ಸ್ ಪಿಲಾತಾಖಾಲ್  ತಾಣೆಂ  ಕಷ್ಟ್  ಸೊಸ್ಲೆ.  ತಾಕಾ ಖುರ್ಸಾರ್  ಜೊಡ್ಲೊ,  ತೊ  ಮೆಲೊ,  ಆನಿ  ತಾಕಾ ನಿಕೆಪಿಲೊ.  ತೊ  ಮೆಲ್ಲ್ಯಾಂ  ಮಧೆಂ  ದೆಂವ್ಲೊ ತಿಸ್ರ್ಯಾ  ದಿಸಾ  ಮೆಲ್ಯಾಂತ್ಲೊ  ಜಿವಂತ್  ಜಾಲೊ. ಸರ್ಗಾರ್  ಚಡ್ಲೊ ,  ಸರ್ವ್  ಪದ್ವೆದಾರ್  ದೆವಾ ಬಾಪಾಚ್ಯಾ  ಉಜ್ವ್ಯಾಕ್  ಬಸ್ಲಾ.  ಥಂಯ್  ಥಾವ್ನ್ ಜಿವ್ಯಾಂ  ಆನಿ  ಮೆಲ್ಯಾಂಚಿ  ಮುನ್ಸುಬಿ  ಕರುಂಕ್ ಯೆತಲೊ.  ಸತ್ಮಾನ್ತಾಂ  ಪವಿತ್ರ್  ಅತ್ಮ್ಯಾಕ್ ಕಥೊಲಿಕ್  ಪವಿತ್ರ್  ಸಭೆಕ್  ಭಕ್ತಾಂಚೊ  ಎಕ್ತಾರ್ ಪಾತ್ಕಾಂಚೆ  ಭೊಗ್ಸಣೆo  ಕುಡಿಚೆಂ  ಜಿವಂತ್ಪಣ್ ಸಾಸ್ಣಾಚೆಂ  ಜಿವಿತ್.  ಆಮೆನ್.

ಆಮ್ಚ್ಯಾ  ಬಾಪಾ,  ಸರ್ಗಿಂಚ್ಯಾ  ತುಜೆಂ  ನಾಂವ್ ಪವಿತ್ರ್  ಜಾಂವ್,  ತುಜೆ  ರಾಜ್  ಆಮ್ಕಾ  ಯೆಂವ್, ತುಜಿ  ಖುಶಿ  ಸರ್ಗಾರ್  ಜಾತಾ  ತಶಿ  ಸಂಸಾರಾಂತ್ ಜಾಂವ್.

ನಮಾನ್  ಮರಿಯೆ,  ಕುರ್ಪೆನ್  ಭರ್ ಲ್ಲೆ  ಸೊಮಿ ತುಜೆ  ಸಾಂಗಾತಾ,  ಸ್ತ್ರಿಯಾಂ  ಭಿತರ್  ತುಂ  ಸದೆಂವ್ ಆನಿ  ಸದೆಂವಿ  ಫಳ್  ತುಜೆ  ಕುಶಿಚೆಂ,  ಜೆಜು.

      ಭಾಗೆವಂತಿ  ಮರಿಯೆ,  ದೆವಾಚೆ  ಮಾಯೆ  ಆಮಾ ಪಾಪಿಯಾಂ  ಖಾತಿರ್  ವಿನತಿ  ಕರ್,  ಆತಾಂ  ಆನಿ ಆಮ್ಚ್ಯಾ  ಮರ್ಣಾಚೆ  ಕಾಳಿಂ  ಆಮೆನ್.

ಮಹಿಮಾ  ಬಾಪಾಕ್  ಆನಿ  ಪುತಾಕ್  ಆನಿ  ಪವಿತ್ರ್ ಅತ್ಯ್ಯಾಕ್ ;  ಜಶಿ  ಆದಿಂ  ತಶಿಚ್  ಆತಾಂ  ಆನಿ ಸದಾಂ  ಸರ್ವದಾಂ.  ಆಮೆನ್.

ಸಾಂತ್  ಆಂತೊನಿಕ್  ತೆರಾ  ಉಲೆ.

1. ಮರಣ್  ತಾಚಾ  ನಾಂವಾನ್  ಪೊಳ್ತಾ :  ಏ ಸಾಂತ್  ಆಂತೊನಿ,  ಮೆಲ್ಲ್ಯಾಂಕ್  ತುವೆಂ  ಜಿವೆ ಕೆಲ್ಲೆಯ್ ;  ಆತಾಂ  ಮೊರ್ನಾಚ್ಯೆ  ವೊಡಿಂಚೆರ್ ಆಸಲ್ಲ್ಯಾ  ಖಾತಿರ್  ಆನಿ  ಪುರ್ಗತರಿಂತ್ಲ್ಯಾ ಅತ್ಯ್ಯಾಂ  ಖಾತಿರ್  ಜೆಜುಕಡೆ  ಮಾಗ್.

ಆಮ್ಚ್ಯಾ  ಬಾಪಾ,  ಸರ್ಗಿಂಚ್ಯಾ  ತುಜೆಂ  ನಾಂವ್ ಪವಿತ್ರ್  ಜಾಂವ್,  ತುಜೆ  ರಾಜ್  ಆಮ್ಕಾ  ಯೆಂವ್, ತುಜಿ  ಖುಶಿ  ಸರ್ಗಾರ್  ಜಾತಾ  ತಶಿ  ಸಂಸಾರಾಂತ್ ಜಾಂವ್.

ನಮಾನ್  ಮರಿಯೆ,  ಕುರ್ಪೆನ್  ಭರ್ ಲ್ಲೆ  ಸೊಮಿ ತುಜೆ  ಸಾಂಗಾತಾ,  ಸ್ತ್ರಿಯಾಂ  ಭಿತರ್  ತುಂ  ಸದೆಂವ್ ಆನಿ  ಸದೆಂವಿ  ಫಳ್  ತುಜೆ  ಕುಶಿಚೆಂ,  ಜೆಜು.

      ಭಾಗೆವಂತಿ  ಮರಿಯೆ,  ದೆವಾಚೆ  ಮಾಯೆ  ಆಮಾ ಪಾಪಿಯಾಂ  ಖಾತಿರ್  ವಿನತಿ  ಕರ್,  ಆತಾಂ  ಆನಿ ಆಮ್ಚ್ಯಾ  ಮರ್ಣಾಚೆ  ಕಾಳಿಂ  ಆಮೆನ್.

ಮಹಿಮಾ  ಬಾಪಾಕ್  ಆನಿ  ಪುತಾಕ್  ಆನಿ  ಪವಿತ್ರ್ ಅತ್ಯ್ಯಾಕ್ ;  ಜಶಿ  ಆದಿಂ  ತಶಿಚ್  ಆತಾಂ  ಆನಿ ಸದಾಂ  ಸರ್ವದಾಂ.  ಆಮೆನ್.

2. ಚೂಕ್  ತಾಚಾ  ನಾಂವಾನ್  ಪೊಳ್ತಾ :  ಏ ಸಾಂತ್  ಆಂತೊನಿ,  ಸರ್ವ್  ಚುಕಿಂತ್ಲೆಂ  ಆಮ್ಕಾಂ ನಿವಾರ್ ;  ಆನಿ  ಆಮ್ಚಾ  ಪಾಪಾಸಾಯ್ಬಾ ಪಾಸುನ್  ಆನಿ  ಪವಿತ್ರ್  ಸಭೆ  ಪಾಸುನ್ ಜೆಜುಕಡೆ  ಮಾಗ್.

 

  ಆಮ್ಚ್ಯಾ  ಬಾಪಾ ..... (1)

ನಮಾನ್  ಮರಿಯೆ..... (1)

ಮಹಿಮಾ  ಬಾಪಾಕ್  ಆನಿ  ಪುತಾಕ್  ಆನಿ  ಪವಿತ್ರ್ ಅತ್ಯ್ಯಾಕ್.

3. ಅನ್ವಾರಾಂ  ತಾಚಾ  ನಾಂವಾನ್  ಪೊಳ್ತಾತ್ : ಏ  ಸಾಂತ್  ಆಂತೊನಿ,  ಪಾತ್ಕಾಂ  ಖಾತಿರ್ ಆಮ್ಕಾಂ  ಫಾವೊ  ಜಾಲ್ಲ್ಯಾ  ಸರ್ವ್ ಅನ್ವಾರಾಂತ್ಲೆಂ  ಆಮ್ಕಾಂ  ನಿವಾರ್ .

  ಆಮ್ಚ್ಯಾ  ಬಾಪಾ ..... (1)

ನಮಾನ್  ಮರಿಯೆ..... (1)

ಮಹಿಮಾ  ಬಾಪಾಕ್  ಆನಿ  ಪುತಾಕ್  ಆನಿ  ಪವಿತ್ರ್  ಅತ್ಯ್ಯಾಕ್.

4. ದೆಂವ್ಚಾರ್  ತಾಚಾ  ನಾಂವಾನ್  ಪೊಳ್ತಾತ್ :  ಏ  ಸಾಂತ್  ಆಂತೊನಿ,  ದೆಂವ್ಚಾರ್  ತುಕಾ ಕಾಂಪ್ತಾತ್ :  ತಾಚಾ  ಸರ್ವ್  ಪಾಸಾಂತ್ಲೆಂ ಆಮ್ಕಾಂ  ನಿವಾರ್.

 ಆಮ್ಚ್ಯಾ  ಬಾಪಾ ..... (1)

ನಮಾನ್  ಮರಿಯೆ..... (1)

ಮಹಿಮಾ  ಬಾಪಾಕ್  ಆನಿ  ಪುತಾಕ್  ಆನಿ  ಪವಿತ್ರ್  ಅತ್ಯ್ಯಾಕ್.

5. ಕೊಡ್ಯೆ  ಬರೆ  ಜಾತಾತ್ :  ಏ  ಸಾಂತ್ ಆಂತೊನಿ,  ಅತ್ಮ್ಯಾಚ್ಯೆ  ಆನಿ  ಕುಡಿಚ್ಯೆ  ಪಿಡೆಂತ್ಲೆಂ ಆಮ್ಕಾಂ  ನಿವಾರ್ನ್,  ಕುಡಿ - ಅತ್ಯ್ಯಾಕ್ ಭಲಾಯ್ಕಿ  ಜೋಡ್ನ್ ದಿ.

 ಆಮ್ಚ್ಯಾ  ಬಾಪಾ ..... (1)

ನಮಾನ್  ಮರಿಯೆ..... (1)

ಮಹಿಮಾ  ಬಾಪಾಕ್  ಆನಿ  ಪುತಾಕ್  ಆನಿ  ಪವಿತ್ರ್  ಅತ್ಯ್ಯಾಕ್.

6. ಪಿಡೆಸ್ತ್  ಬರೆ  ಜಾತಾತ್ :  ಏ  ಸಾಂತ್ ಆಂತೊನಿ,  ಪಿಡೆಸ್ತಾಂಕ್  ಬರೆ  ಕರ್  ಆನಿ  ಅತ್ಯ್ಯಾ ಥಂಯ್ ವಾ  ಕುಡಿ  ಥಂಯ್  ಕಷ್ಟಾತೆಲ್ಲ್ಯಾಂಕ್ ಸವ್ಕಾಸಾಯ್  ದಿ.

 ಆಮ್ಚ್ಯಾ  ಬಾಪಾ ..... (1)

ನಮಾನ್  ಮರಿಯೆ..... (1)

ಮಹಿಮಾ  ಬಾಪಾಕ್  ಆನಿ  ಪುತಾಕ್  ಆನಿ  ಪವಿತ್ರ್  ಅತ್ಯ್ಯಾಕ್.

7. ದರ್ಯಾಂಕ್  ತೊ  ಫರ್ಮಾಯ್ತಾ :  ಏ  ಸಾಂತ್ ಆಂತೊನಿ,  ಆತಾಂ  ಪಯ್ಣಾರ್  ಆಸಲ್ಲ್ಯಾಂಕ್ ಆನಿ  ಪರ್ಗಾಂವಾಂತ್  ಆಸಲ್ಲ್ಯಾಂಕ್  ರಾಕ್ ; ಆನಿ  ಆಮ್ಚಾ  ವೊಡ್ನ್ಯಾಂಚಾ ಉಚಾಂಬಳಾಯೆಂತ್ಲೆಂ  ಆಮ್ಕಾಂ  ನಿವಾರ್.

 ಆಮ್ಚ್ಯಾ  ಬಾಪಾ ..... (1)

ನಮಾನ್  ಮರಿಯೆ..... (1)

ಮಹಿಮಾ  ಬಾಪಾಕ್  ಆನಿ  ಪುತಾಕ್  ಆನಿ  ಪವಿತ್ರ್  ಅತ್ಯ್ಯಾಕ್.

8. ಸಾಂಕ್ಳಿಂಕ್  ತೊ  ಫರ್ಮಾಯ್ತಾ :  ಏ  ಸಾಂತ್ ಆಂತೊನಿ ,  ಬಂಧಿಂತ್  ಆಸಲ್ಲ್ಯಾಂ  ಖಾತಿರ್ ಮಾಗ್;  ಆನಿ  ಪಾತ್ಕಾಂಚಾ  ಬಾಂಧ್ಪಾಸಾಂತ್ಲೆಂ ಆಮ್ಕಾಂ  ಸೊಡಯ್.

 ಆಮ್ಚ್ಯಾ  ಬಾಪಾ ..... (1)

ನಮಾನ್  ಮರಿಯೆ..... (1)

ಮಹಿಮಾ  ಬಾಪಾಕ್  ಆನಿ  ಪುತಾಕ್  ಆನಿ  ಪವಿತ್ರ್  ಅತ್ಯ್ಯಾಕ್.

9. ಆಂದ್ಯ್ಯಾಂಕ್,  ಭೆರ್ಯಾಂಕ್  ಪಾವ್ತಾ :  ಏ ಸಾಂತ್  ಆಂತೊನಿ,  ಸುಖಿ  ಅತ್ಯ್ಯಾನ್  ಆನಿ ಕುಡಿನ್  ಆಮಿ  ದೆವಾಚಿ  ಚಾಕ್ರಿ  ಕರ್ಚೆ  ಖಾತಿರ್ ಸರ್ವ್  ಜಕಮ್  ಆಮ್ಚೆ  ವಯ್ಲಿ  ನಿವಾರ್.

 ಆಮ್ಚ್ಯಾ  ಬಾಪಾ ..... (1)

ನಮಾನ್  ಮರಿಯೆ..... (1)

ಮಹಿಮಾ  ಬಾಪಾಕ್  ಆನಿ  ಪುತಾಕ್  ಆನಿ  ಪವಿತ್ರ್  ಅತ್ಯ್ಯಾಕ್.

10. ಕಿತೆಂಯ್  ಸಾಂಡ್ಲ್ಯಾರ್  ದಾಕವ್ನ್  ದಿತಾ:  ಏ ಸಾಂತ್  ಆಂತೊನಿ,  ಭಾಯ್ರ್  ಪಡಲ್ಲ್ಯೊ  ವಸ್ತು ತುಂ  ದಾಕವ್ನ್  ದಿತಾಯ್;  ಆಮಿ  ಸಾಂಡಲ್ಲ್ಯೊ ಅತ್ಯ್ಯಾಚ್ಯೊ  ಆನಿ  ಕುಡಿಚ್ಯೊ  ವಸ್ತು  ಆಮ್ಕಾಂ ಮೆಳಾಶ್ಯೊ  ಕರ್.

 ಆಮ್ಚ್ಯಾ  ಬಾಪಾ ..... (1)

ನಮಾನ್  ಮರಿಯೆ..... (1)

ಮಹಿಮಾ  ಬಾಪಾಕ್  ಆನಿ  ಪುತಾಕ್  ಆನಿ  ಪವಿತ್ರ್ ಅತ್ಯ್ಯಾಕ್.

11. ಅಪಾಯ್  ಪಯ್ಸ್  ಕರ್ತಾ :  ಏ  ಸಾಂತ್ ಆಂತೊನಿ,  ಕುಡಿ-ಅತ್ಯ್ಯಾಚಾ  ಸರ್ವ್  ಮೊಸಾಂತ್  ತುಂ  ಆಮ್ಕಾಂ  ರಾಕ್.

 ಆಮ್ಚ್ಯಾ  ಬಾಪಾ ..... (1)

ನಮಾನ್  ಮರಿಯೆ..... (1)

ಮಹಿಮಾ  ಬಾಪಾಕ್  ಆನಿ  ಪುತಾಕ್  ಆನಿ  ಪವಿತ್ರ್ ಅತ್ಯ್ಯಾಕ್.

12. ದುಕೊಳ್  ತತ್ವಾರ್  ನಿವಾರ್ನ್  ವ್ಹರ್ತಾ :  ಏ ಸಾಂತ್  ಆಂತೊನಿ,  ದುರ್ಬಳ್ಯಾಂಚಾ  ಆಧಾರಾ, ಆಮ್ಚಾ  ಗರ್ಜಾಂಕ್  ತುಂ  ಪಾವ್ ;  ದಿಸ್ಪಡ್ತೆಂ ಕಾಮ್  ಆನಿ  ಡಿಸ್ಪಡ್ತೊ  ಗ್ರಾಸ್  ಆಮ್ಕಾಂ ಜೋಡ್ನ್  ದಿ.

 ಆಮ್ಚ್ಯಾ  ಬಾಪಾ ..... (1)

ನಮಾನ್  ಮರಿಯೆ..... (1)

ಮಹಿಮಾ  ಬಾಪಾಕ್  ಆನಿ  ಪುತಾಕ್  ಆನಿ  ಪವಿತ್ರ್ ಅತ್ಯ್ಯಾಕ್.

13. ಕೊಣಾಕ್  ಪಾವ್ಲಾ,  ತೆ  ಸಾಂಗೊoದಿತ್ :  ಏ ಸಾಂತ್  ಆಂತೊನಿ,  ತುಕಾ  ಇತ್ಲೊ  ವರ್ತೊ  ಕೆಲ್ಲೆ ಖಾತಿರ್  ಆಮಿ  ದೆವಾಕ್  ಅರ್ಗಾಂ  ದಿತಾಂವ್ ಆನಿ  ಜಿಣ್ಯೆಂತ್  ಆನಿ  ಮೊರ್ನಾಂತ್  ತುಜೊ ಆಧಾರ್  ಸೊಧ್ತಾಂವ್.

 ಆಮ್ಚ್ಯಾ  ಬಾಪಾ ..... (1)

ನಮಾನ್  ಮರಿಯೆ..... (1)

ಮಹಿಮಾ  ಬಾಪಾಕ್  ಆನಿ  ಪುತಾಕ್  ಆನಿ  ಪವಿತ್ರ್ ಅತ್ಯ್ಯಾಕ್.

ನಮಾನ್  ರಾಣಿಯೆ

   ನಮಾನ್  ರಾಣಿಯೆ,  ಕಾಕುಳ್ತಿಚೆ  ಮಾಯೆ; ನಮಾನ್,  ಆಮ್ಚ್ಯಾ  ಜಿವಾ,  ಅಮೃತಾ  ಆನಿ ಭರ್ವಶ್ಯಾ  ತುಕಾ  ಆಮಿ  ಉಲೊ  ಮಾರ್ತಾಂವ್, ಆಮಿ  ಪರ್ದೇಶಿ  ಎವೆಚೆಂ  ಬಾಳ್ಕಾ.  ಹ್ಯಾ  ದುಖಾಚ್ಯಾ ಕೊಂಡಾಂತ್  ಆಸ್ತಾಂ  ಆಸ್ಕಾರ್ - ಹುಸ್ಕಾರ್  ಸೊಡ್ನ್ ಆಮಿ  ತುಕಾ  ರುದಾನ್  ಕರ್ತಾಂವ್.  ತರ್  ತುಂ , ಆಮ್ಚೆ  ಶೆಕಾಯೆ  ತೆ  ತುಜೆ  ಕಾಕುಳ್ತಿಚೆ  ದೊಳೆ ಆಮ್ಚೆ ವಯ್ರ್  ಪರ್ತಿ.  ಆನಿ  ಹ್ಯಾ  ಪರ್ದೇಶಾ  ಉಪ್ರಾಂತ್ ತುಜೆ  ಕುಶಿಚೆಂ  ಸದೆಂವಿ  ಫಳ್  ಜೆಜುಕ್  ಆಮ್ಕಾಂ ದಾಕಯ್.  ಯೆ  ದಯಾಳಿ  ಯೆ  ಮೊಗಾಳಿ,  ಯೆ ದುಲಬಿ  ಆಂಕ್ವಾರಿ  ಮರಿಯೆ.

 

 ಸಾಂ  ಆಂತೊನಿಚಿ  ಲದಿನ್ 

ಸೊಮ್ಯಾ  ಕಾಕುಳ್ತ್  ಆಮ್ಚಿ  ಕರ್ 

ಕ್ರಿಸ್ತಾ  ಕಾಕುಳ್ತ್  ಆಮ್ಚಿ  ಕರ್ 

ಸೊಮ್ಯಾ  ಕಾಕುಳ್ತ್  ಆಮ್ಚಿ  ಕರ್ 

ಕ್ರಿಸ್ತಾ  ಆಯ್ಕಾ  ಆಮ್ಕಾಂ

ಕ್ರಿಸ್ತಾ  ದಯೆನ್  ಆಯ್ಕಾ  ಆಮ್ಕಾಂ

ಸರ್ಗಿಂಚ್ಯಾ  ದೆವಾ  ಬಾಪಾ,

ಕಾಕುಳ್ತ್  ಆಮ್ಚಿಂ  ಕರ್

ದೆವಾ  ಪುತಾ,  ಸಂಸಾರಾಚ್ಯಾ  ತಾರಕಾ,

ಕಾಕುಳ್ತ್  ಆಮ್ಚಿಂ  ಕರ್

ದೆವಾ  ಪವಿತ್ರ್  ಅತ್ಯ್ಯಾಂ,

ಕಾಕುಳ್ತ್  ಆಮ್ಚಿಂ  ಕರ್

ಸಾಂತಿಸ್ಸಿಮಾ  ತ್ರಿಂದಾದಿ  ಎಕಾಚ್  ದೆವಾ,

ಕಾಕುಳ್ತ್  ಆಮ್ಚಿಂ  ಕರ್

ಭಾಗೆವಂತಿ  ಮರಿಯೆ 

(ಜವಾಬ್:ಆಮಾ  ಪಾಸತ್  ವಿನತಿ  ಕರ್)

ತುಮಿ  ಸಮೆಸ್ತ್  ಸಾಂತಾಂನೊ  ಆನಿ  ಭಕ್ತಾಂನೊ, "ಕರಾ 

ಸಾಂತ್ ಆಂತೊನಿ,  ಸಾಂ  ಫ್ರಾಸ್ಕಾಚಾ  ಖರ್ಯಾ ಪುತಾ,

ಸಾಂತ್ ಆಂತೊನಿ, ದೇವ್  ಜಾಣ್ವಾಯೆಚಾ  ಮಂದಿರಾ,

ಸಾಂತ್ ಆಂತೊನಿ, ಖಾಲ್ತೆಪಣಾಚಾ  ಆರ್ಸ್ಯಾ,

ಸಾಂತ್ ಆಂತೊನಿ, ಪ್ರಾಚಿತಾಚ್ಯೆ  ದೆಖಿ,

ಸಾಂತ್ ಆಂತೊನಿ, ಸಂಪೂರ್ಣ್  ಕಾಯೆಚ್ಯೆ  ದೆಖಿ,

ಸಾಂತ್ ಆಂತೊನಿ, ತುಜಾ  ಒಡ್ದಿಚಾ  ಅಲಂಕಾರಾ,

ಸಾಂತ್ ಆಂತೊನಿ, ನಿರಾಪ್ರಾಧಿಂಚ್ಯೆ  ಬಚಾವೆ,

ಸಾಂತ್ ಆಂತೊನಿ, ದುಃಖೆಸ್ತಾಂಚ್ಯೆ  ಭುಜ್ವೊಣೆ,

ಸಾಂತ್ ಆಂತೊನಿ, ದೆಂವ್ಚಾರಾಂಕ್  ವ್ಹಡ್  ಭಿಯಾಚಾ ಕಾರಣಾ ,

ಸಾಂತ್ ಆಂತೊನಿ, ಪಿಡೆಸ್ತಾಂಚಾ ವಯ್ಜಾ,

ಸಾಂತ್ ಆಂತೊನಿ, ನಿಸ್ಕಳ್ಪಣಾಚಾ  ಫುಲಾ,

ಸಾಂತ್ ಆಂತೊನಿ ದುರ್ಬಳ್ಕಾಯೆಕ್  ಲಬ್ದಲ್ಲ್ಯಾ,

ಸಾಂತ್ ಆಂತೊನಿ, ಲೆಣ್ತುವಾಯೆಚಾ  ಆನಿ ಸೊಸ್ಣಿಕಾಯೆಚ್ಯೆ  ದೆಖಿ ,

ಸಾಂತ್ ಆಂತೊನಿ, ಸುವಾರ್ತಾ  ಪರ್ಗಟ್  ಕರ್ತೆಲ್ಯಾ ,

ಸಾಂತ್ ಆಂತೊನಿ, ಕುರ್ಡ್ಯಾಂಚಾ  ಉಜ್ವಾಡಾ,

ಸಾಂತ್ ಆಂತೊನಿ, ಭಾಗೆವಂತ್ಪಣಾಚಾ  ಪರ್ಜಳಿಕ್ ನೆಕೆತ್ರಾ,

ಸಾಂತ್ ಆಂತೊನಿ, ಮಿತಿಚ್ಯೆ  ದೆಖಿ,

ಸಾಂತ್ ಆಂತೊನಿ, ಬಂಧಿವಾನಾಂಚ್ಯೆ  ಬಚಾವೆ,

ಸಾಂತ್ ಆಂತೊನಿ, ಆಜಾಪಾಂನಿ  ಆನಿ  ಅಚರ್ಯಾಂನಿ  ನಾಂವಾಡಲ್ಲ್ಯಾ,

ಸಾಂತ್ ಆಂತೊನಿ, ತುಕಾ  ಉಲೊ  ಮಾರಲ್ಲ್ಯಾಂಕ್ ಪಾವ್ತೆಲ್ಯಾ ,

ಜೆಜು  ಕ್ರಿಸ್ತಾ,                            ಕಾಕುತ್ ಆಮ್ಚಿ ಕರ್

ಸಾಂತ್ ಆಂತೊನಿಚಾ ಪುನ್ಯಾ  ವರ್ವಿಂ,                     "

ತಾಚಾ  ಸೊಸ್ಣಿಕಾಯೆ  ಆನಿ  ಖಾಲ್ತೆಪಣಾ  ವರ್ವಿಂ,        "

ತಾಚಾ  ದುರ್ಬಳ್ಕಾಯೆ  ಆನಿ  ಗರೀಬ್  ಪಣಾ ವರ್ವಿಂ,   "

ತಾಚಾ  ಜಿಂಜ್ವಾರಾಂ  ಆನಿ  ಎಚಿರ್ಕಾಯೆ  ವರ್ವಿಂ,         "

ತಾಚಾ  ಕಷ್ಟಾಂ  ಆನಿ  ದಂಡೊಣೆ  ವರ್ವಿಂ,                   "

ತಾಚಾ  ಸೆರ್ಮಾಂವಾಂ  ಆನಿ  ಶಿಕೊಣೆ  ವರ್ವಿಂ,            "

ತಾಚಾ  ಮೊಗಾ  ಆನಿ  ಭಕ್ತಿಪಣಾ  ವರ್ವಿಂ,                   "

ತಾಚಾ  ಬಿರ್ಮತೆ  ಆನಿ  ಕಾಕುತಿ  ವರ್ವಿಂ,                    "

ತಾಚಾ  ಆನಂದ್ಭರಿತ್  ಮೊರ್ನಾ  ವರ್ವಿಂ,                   "

ಆಮಿ  ಪಾತ್ಕಿ,

(ಜವಾಬ್:  ಪರಾತುನ್  ಮಾಗ್ತಾಂವ್  ಆಯ್ಕ್ ಆಮ್ಕಾಂ)

ಆಮ್ಕಾಂ  ಭೊಗೊಸ್  ಮ್ಹಣ್ ,

ಸಾಂತ್  ಆಂತೊನಿಚಾ  ಮಾಗ್ಣ್ಯಾ  ವರ್ವಿಂ,  ಸರ್ವ್ ವಾಯ್ಟಾಂತ್ಲೆಂ  ಆಮ್ಕಾಂ  ನಿವಾರ್  ಮ್ಹಣ್ ,

ಆಮ್ಚಾ  ಕಷ್ಟಾಂತ್  ಸೊಸ್ಣಿಕಾಯ್  ಆಮ್ಕಾಂ  ದಿ ಮ್ಹಣ್ ,

ದಯಾ  ದವರ್ನ್ ,  ಖರೆಂ  ಭಕ್ತಿಪಣ್  ಆಮ್ಕಾಂ  ದಿ ಮ್ಹಣ್ ,

ದಯಾ  ದವರ್ನ್,  ಆಮ್ಚಾ  ಗರ್ಜಾಂಕ್  ಪಾವ್ ಮ್ಹಣ್ ,

ದಯಾ  ದವರ್ನ್,  ಮೊರ್ನಾಚ್ಯೆ  ಘಡಿಯೆ  ಆಮ್ಕಾಂ ರಾಕ್  ಮ್ಹಣ್ ,

ದೆವಾಚೆ  ಶೆಳಿಯೆ  ಸಂಸಾರಾಚೆಂ  ಪಾಪ್  ಕಾಡ್ತಲೆ,   

                ಭೊಗೊಸ್  ಆಮ್ಕಾಂ,  ಸೊಮ್ಯಾ.

            ದೆವಾಚೆ  ಶೆಳಿಯೆ  ಸಂಸಾರಾಚೆಂ  ಪಾಪ್ ಕಾಡ್ತಲೆ,  

        ದಯೆನ್  ಆಯ್ಕ್  ಆಮ್ಕಾಂ,  ಸೊಮ್ಯಾ.

            ದೆವಾಚೆ  ಶೆಳಿಯೆ  ಸಂಸಾರಾಚೆಂ  ಪಾಪ್ ಕಾಡ್ತಲೆ, 

                ಕಾಕುಳ್ತ್  ಆಮ್ಚಿ  ಕರ್.

ಮಾಗ್ಣೆಂ

ಭೋವ್  ಕಾಕುಳ್ದಾರ್  ಜೆಜು !  ತುಜಾ ಭಾಗೆವಂತ್  ಧರ್ಮ್  ವೀರಾಕ್  ಸಾಂತ್ ಆಂತೊನಿಕ್  ಕಳನಾತಲ್ಲ್ಯಾ  ಅಚರ್ಯಾಂನಿ, ವಿಚಿತ್ರ್  ಥರಾನ್  ತುವೆಂ  ನಾಂವಾಡ್ಲಾಯ್ ; ಪಾತ್ಯೆಣೆನ್   ಆಮಿ   ಮಾಗ್ತಾಂವ್   ತೆಂ   ಸರ್ವ್, ತಾಚಾ  ಮಾಗ್ಣ್ಯಾಂ  ಆನಿ  ಪುನ್ಯಾ  ವರ್ವಿಂ ಆಮ್ಕಾಂ  ಮಳ್ತೆಲೆಂ  ಮ್ಹಣ್  ಥಿರ್  ಭರ್ವಶಾನ್ ರಾವೊಂಕ್  ಆಮ್ಕಾಂ  ಕುರ್ಪಾ  ದಿ.  ಜೊ ಜಿಯೆತಾಯ್  ಆನಿ  ರಾಜ್  ಕರ್ತಾಯ್  ದೆವಾ ಬಾಪಾ  ಆನಿ  ಪವಿತ್ರ್  ಅತ್ಯ್ಯಾ  ಸಾಂಗಾತಾ ಸಾಸ್ಣಾಚಾ  ಸಾಸ್ಣಾಕ್ .  ಆಮೆನ್.

ಸಾಂತ್  ಆಂತೊನಿಚಾ  ಗ್ರಾಸಾಚೆಂ  ಗಾಯಾನ್

ಸಾಂತ್  ಆಂತೊನಿ  ಭಕ್ತಾ  ಮೊಗಾಳ್

ಅಬ್ಳೆ  ಹಾಂಗಾ  ತುಜೊ  ಏಕ್  ಬಾಳ್

ಅಸ್ಕತ್  ಕಂಗಾಳ್  ಮ್ಹಾಕಾ  ಚಲಯ್

ಸರ್ಗಾ- ವಾಟೆಕ್  ಮ್ಹಾಕಾ  ಪಾವಯ್.

ಸಕ್ಕಡ್:  ಧರ್ಮಿಷ್ಟ್   ಭಕ್ತಾ  ಅಚರ್ಯಾಂಗಾರಾ

                  ಪರ್ದೆಶಾಂಚಾ  ತುಂ  ಆಧಾರಾ

                  ಉಪ್ಕಾರ್  ವಾಂಟುನ್  ಸಮೆಸ್ತ್  

                  ಮನ್ಶಾಂಕ್    

                  ಜೊಡ್ತಾಯ್  ಗ್ರಾಸ್  ತುಜಾ ದುಬ್ಳ್ಯಾಂಕ್.

ನಿತಳ್  ತುಜಾ  ಕಾಳ್ಜಾಂತ್  ಪೆಟ್ಲೊ

ದೇವ್  ಮೊಗಾಚೊ  ಉಜೊ  ವ್ಹಡ್ಲೊ

ಆನಿ  ಜೆಜು  ತುಕಾ  ಲಬ್ದೊನ್ 

ತುಕಾ  ಮೆಳೊಂಕ್  ಆಯ್ಲೊ  ದೆಂವೊನ್.

      ಧರ್ಮಿಷ್ಟ್  ಭಕ್ತಾ .......

 

ಭಾಗಿ  ಘಡಿ !  ವಿಚಿತ್ರ್  ಅಧಿಕ್ !

ಜೆದ್ವಾಂ  ಜೆಜು  ಬಾಳೊಕ್  ಸ್ವಾದಿಕ್

ಮೊಗಾನ್  ದೆಂವೊನ್  ತುಜಾ  ಹಾತಾರ್

ದಿಷ್ಟಿ  ಪಡ್ತಾ  ದೊಳ್ಯಾಂ  ಮುಖಾರ್ .

         ಧರ್ಮಿಷ್ಟ್  ಭಕ್ತಾ .......

ಸಂತೊಸ್ಭರಿತ್  ಕಾಳಿಜ್  ತುಜೆಂ

ಧಾದೊಸ್ಕಾಯೆನ್  ಆಮಾಲ್  ಜಾಲೆಂ

ಜೆದ್ವಾಂ  ಜೆಜು  ವೊಣ್ಕೊನ್  ಬಾವ್ಳ್ಯಾರ್

ಉಮೊ  ದಿತಾ  ತುಜಾ  ಪೊಲ್ಯಾರ್.

           ಧರ್ಮಿಷ್ಟ್  ಭಕ್ತಾ .......

ಜೆಜುನ್  ತೆದ್ದಾಂ  ತುಕಾ  ದಿಲಿ

ಅಚರ್ಯಾಂಚಿ  ಪದ್ವಿ  ವ್ಹಡ್ಲಿ ;

ಆಮ್ಚ್ಯೆ  ಪಕ್ಷೆಕ್  ಭಕ್ತಾ  ರಾವ್

ಆಮ್ಚಾ  ಗರ್ಜಾಂಕ್  ಸದಾಂಚ್  ಪಾವ್.

           ಧರ್ಮಿಷ್ಟ್  ಭಕ್ತಾ .......

  ಸಾಂತ್  ಆಂತೊನಿ  ಭಕ್ತಾಂ  ಮೊಗಾಳ್

ಅಬ್ಳೆ  ಹಾಂಗಾ  ತುಜೊ  ಏಕ್  ಬಾಳ್ 

ಕರ್  ತುಂ  ಮ್ಹಾಕಾ  ತುಜೆ  ಸಾರ್ಕೊ

ನಿತಳ್  ನಿಸ್ಕಳ್  ತುಜೊ  ಪೊಸ್ಕೊ.

            ಧರ್ಮಿಷ್ಟ್  ಭಕ್ತಾ .......

ಬಾಪಾಚೆ  ಆನಿ  ಪುತಾಚೆ  ಆನಿ  ಪವಿತ್ರ್ ಅತ್ಯ್ಯಾಚೆ  ನಾಂವಿಂ.  ಆಮೆನ್.✝️