ಕೊರೊನಾ ಪಿಡಾಗೂಣ್ ಜಾಂವ್ಚೆಖಾತಿರ್ ಮಾಗ್ಣೆಂ(The healing Prayer for corona Virus)

ಕೊರೊನಾ ಪಿಡಾಗೂಣ್ 

ಜಾಂವ್ಚೆಖಾತಿರ್ ಮಾಗ್ಣೆಂ.

ಮೊಗಾಳಾ   ಸೊಮ್ಯಾಂ   ತುಂ   ಹಳ್ಳ್ಯಾಂನಿ   ಆನಿ 

ಶ್ಹೆರಾಂನಿ   ಪಯ್ಣ್   ಕರ್ತಾನಾ   ಸರ್ವಾಂಕ್   ಬರೆಂ  

ಕರಿತ್   ಗೆಲೊಯ್,  ತುಜಾ   ಏಕಚ್  ಉತ್ರಾನ್  

ಸರ್ವ್   ಪಿಡಾಗೂಣ್   ಜಾಲಿ   ಆನಿ  ಸರ್ವಾಂಕ್  

ಭಲಾಯ್ಕಿ   ಲಾಬ್ಲಿ.   ಸಗ್ಳ್ಯಾ  ಸಂಸರಾಕ್   ಆತಾಂ  

ಮಾರೆಕಾರ್   ಪಿಡಾ  ವಿಸ್ತಾರ್ಲ್ಯಾ   ಆಸ್ತಾಂ   ತುಂ  

ಆತಾಂ   ಆಮ್ಚ್ಯಾ  ಮನ್ಶಾಕುಳಾಚ್ಯಾ   ಕುಮ್ಕೆಕ್  ಯೆ  

 ಮ್ಹಣ್  ಆಮಿ   ಪರಾತುನ್   ಮಾಗ್ತಾಂವ್  ಆನಿ  

 ತುಜೆಪೆ  ಕೊವ್ಣಿ   ಆಮ್ಕಾಂ   ಲಾಬೊಂದಿ  ಮ್ಹಣ್  

ಆಶೆತಾಂವ್.   ಮೊಗಾಳಾ   ಸೊಮ್ಯಾ ಮಾರೆಕಾರ್  

 ವೈರಸಾಥಾವ್ನ್   ಕಷ್ಟoವ್ಚ್ಯಾ ಸರ್ವಾಂಕ್   ಗೂಣ್ 

ಕರ್   ಮ್ಹಣ್   ಆಮಿ ಮಾಗ್ತಾಂವ್.   ಫಾವೊತ್ಯಾ  

 ವಕ್ತಾಂ   ಆನಿ ಚಿಕಿತ್ಸೆದ್ವಾರಿಂ   ತಾಂಚಿ   ಭಲಾಯ್ಕಿ  

 ಪಾಟಿಂ ಮಳೊಂಕ್   ತುಜೊ   ಆಧಾರ್ ದಿ.   ಹ್ಯಾ 

ಮಾರೆಕಾರ್   ಪಿಡೆ   ವರ್ವಿಂ   ಹ್ಯಾ   ಸಂಸಾರಾಕ್ 

ಅಂತರ್ಲೆಲ್ಯಾ   ಸರ್ವಾಂಕ್   ತುಜ್ಯಾ   ಗೊಪಾಂತ್ 

ಸಾಸ್ಮಿಕ್   ವಿಶೇವ್   ಲಾಭಯ್ .   ತಾಂಚ್ಯಾ 

ಕುಟ್ಮಾಕ್   ಭುಜವಣ್   ಪಾಠಯ್.

       

  ಹ್ಯಾ   ಪಿಡೆಸ್ತಾಂ   ಖಾತಿರ್   ನಿಸ್ವಾರ್ಥಿ  ಸೆವಾ  

ದಿಂವ್ಚ್ಯಾ   ದಾಕ್ತೆರಾಂಕ್   ನರ್ಸಾಂಕ್   ಆನಿ 

ವೈದ್ಯಕೀಯ್   ಸಿಬಂದಿಕ್   ತುಜಿ   ರಾಕಣ್   ದಿ. 

ರಾಷ್ಟ್ರಾಚ್ಯಾ   ಮುಖೆಲ್ಯಾಂನಿ   ಪರಿಸ್ಥಿತಿ  ಸಾಂಬಾಳ್ನ್  

ವ್ಹರುಂಕ್   ಧೈಯ್ರ್   ಆನಿ  ಘಟಾಯ್   ದಿ.   ದೇಶ್  

ವಿದೇಶಾನಿಂ  ಮಾನಸಿಕ್   ರಿತಿನ್   ಕರ್ಗೂನ್  

ಆಸ್ಚ್ಯಾ  ಸರ್ವಾಂಕ್   ತುಜ್ಯಾ   ಧೈರಾನ್   ಆನಿ 

ಘಟಾಯೆನ್   ಭರ್ .   ಮೊಗಾಳಾ   ಸೊಮ್ಯಾ ಆಮ್ಚೆ  

 ಹೆಂ   ಮಾಗ್ಣೆಂ   ಕಣ್ವಾಳಾಯೆನ್   ಒಪುನ್ ಘೆ.   ಆನಿ   

ಸರ್ವಾಂಕ್   ತುಂ   ಆಪಡ್,  ತಾಂಕಾಂ  ತುಂ   ಗೂಣ್ 

ಕರ್  ಆನಿ    ಮಾರೆಕಾರ್   ಖರ್ಗ್  ನಿವ್ರಾಂವ್ನ್  

 ಶಾಂತಿ  ಸಮಾಧಾನ್   ಸಂಸಾರಾರ್  ಪಾವಯ್.   ಆಮೆನ್.