ತೇರ್ಸ್(The Rosary)

ತೇರ್ಸ್

1 . ಸಾಂತಾ ಖುರ್ಸಾಚಿ ಕುರು✝️

ಭಾಗೆವಂತ್ ಖುರ್ಸಾಚೆ ಕುರ್ವೆನ್ ನಿವಾರ್ ಆಮ್ಕಾಂ ಆಮ್ಚ್ಯಾ ದೆವಾ ಆಮ್ಚ್ಯಾ ದುಸ್ಮಾನಾಂತ್ಲಿಂ.

   ಬಾಪಾಚೆ ಆನಿ ಪುತಾಚೆ ಆನಿ ಪವಿತ್ರ ಅತ್ಮ್ಯಾಚೆ ನಾಂವಿಂ . ಆಮೆನ್.

2. ಆವ್ಮರಿ

V) ಸೊಮ್ಯಾಚ್ಯಾ ಭೊಡ್ವ್ಯಾನ್ ಮರಿಯೆಕ್ ಬರಿ ಖಬರ್ ಹಾಡ್ಲಿ

R) ಆನಿ ಪವಿತ್ರ್  ಅತ್ಯ್ಯಾ ವರ್ವಿಂ ತಿ ಗರ್ಭೆಸ್ತ್ ಜಾಲಿ. 

ನಮಾನ್ ಮರಿಯೆ....

V) ಆಬ್ಳೆ ! ಸೊಮ್ಯಾಚಿ ಚಾಕರ್ನ್ ,

R) ತುಜ್ಯಾ ಸಬ್ದಾ ಪರ್ಮಾಣೆಂ ಮ್ಹಜೆ ಥಂಯ್ ಜಾಂವ್.

ನಮಾನ್ ಮರಿಯೆ....

V) ಆನಿ ದೆವಾಚೊ ಪೂತ್ ಮನಿಸ್ ಜಾಲೊ ,

R) ಆನಿ  ಆಮ್ಚೆ ಮಧೆಂ ಜಿಯೆಲೊ.

ನಮಾನ್ ಮರಿಯೆ....

V) ಭಾಗೆವಂತಿ ದೆವಾಚೆ ಮಾಯೆ ಆಮಾ ಪಾಸತ್ ವಿನತಿ ಕರ್.

R) ಕ್ರಿಸ್ತಾಚ್ಯಾ ಭಾಸಾವ್ಣ್ಯಾಂಕ್ ಆಮಿ ಫಾವೊ ಜಾಂವ್ಚೆ ಖಾತಿರ್.

3. ಪ್ರಾರ್ಥುಂಯಾ

ಯೆ ಸೊಮ್ಯಾ, ಭೊಡ್ವ್ಯಾನ್ ಬರಿ ಖಬರ್ ದಿಲ್ಲೆ ವರ್ವಿಂ ತುಜ್ಯಾ ಪುತಾನ್, ಕ್ರಿಸ್ತಾನ್ ಮನ್ಶಾಪಣ್ ಘೆತಲ್ಲೆಂ ಆಮಿ ಜಾಣಾ ಜಾಲ್ಯಾಂವ್: ತಾಚ್ಯಾ ಕಷ್ಟಾಂ ಆನಿ ಖುರ್ಸಾ ವರ್ವಿಂ ಜಿವಂತ್ಪಣಾಚ್ಯಾ ಆನಂದಾಕ್ ಆಮಿ ಪಾವಶೆಂ ತುಜಿ ಕುರ್ಪಾ ಆಮ್ಚ್ಯಾ ಅಂತಸ್ಕರ್ನಾoನಿ ವೋತ್ ಮ್ಹಣ್ ಆಮಿ ಮಾಗ್ತಾಂವ್. ತ್ಯಾಚ್ ಕ್ರಿಸ್ತಾ ಆಮ್ಚ್ಯಾ ಸೊಮ್ಯಾ ಮಾರಿಫತ್. ಆಮೆನ್.

ಮಹಿಮಾ ಬಾಪಾಕ್ ಆನಿ ಪುತಾಕ್ ಆನಿ ಪವಿತ್ರ್ ಅತ್ಯ್ಯಾಕ್ ; ಜಶಿ ಆದಿಂ ತಶಿಚ್ ಆತಾಂ ಆನಿ ಸದಾಂ ಸರ್ವದಾ. ಆಮೆನ್. (3)

2a. ಸರ್ಗಾಚೆ ರಾಣಿಯೆ

(ಪಾಸ್ಖಾಂಚ್ಯಾ ವೆಳಾರ್ ಅವ್ಮರೆ ಬದ್ಲಾಕ್ )

V) ಸರ್ಗಾಚೆ ರಾಣಿಯೆ, ಉಲ್ಲಾಸ್ ಪಾವ್,

ಸರ್ವೆಸ್ಪರಾಕ್ ಜೈ, ಜೈ! (ಅಲ್ಲೆಲೂಯ)

R )ಕಿತ್ಯಾಕ್ ಜಾಕಾ ತುಂ ವ್ಹಾವೊಂವ್ಕ್ ಫಾವೊ ಜಾಲ್ಲಿಯ್,

ಸರ್ವೆಸ್ಪರಾಕ್ ಜೈ, ಜೈ! (ಅಲ್ಲೆಲೂಯ)

V)ತೊ ಆಪ್ಣೆ ಸಾಂಗ್‌ಲ್ಲೆ ಬರಿಂ ಜಿವಂತ್ ಜಾಲಾ,

ಸರ್ವೆಸ್ಪರಾಕ್ ಜೈ, ಜೈ! (ಅಲ್ಲೆಲೂಯ)

R) ಆಮಾ ಪಾಸತ್ ದೆವಾ ಲಾಗಿಂ ಮಾಗ್,

ಸರ್ವೆಸ್ಪರಾಕ್ ಜೈ, ಜೈ! (ಅಲ್ಲೆಲೂಯ)

V) ಸಂತೊಸ್ ಆನಿ ಉಲ್ಲಾಸ್ ಪಾವ್, ಆಂಕ್ವಾರಿ ಮರಿಯೆ, 

ಸರ್ವೆಸ್ಪರಾಕ್ ಜೈ, ಜೈ! (ಅಲ್ಲೆಲೂಯ)

R) ಕಿತ್ಯಾಕ್ ಸೊಮಿ ಖರೊಚ್ ಜಿವಂತ್ ಜಾಲಾ,

ಸರ್ವೆಸ್ಪರಾಕ್ ಜೈ, ಜೈ! (ಅಲ್ಲೆಲೂಯ)

 3a. ಪ್ರಾರ್ಥುಂಯಾ

ಏ ದೆವಾ, ತುಜ್ಯಾ ಪುತಾ ಆಮ್ಚ್ಯಾ ಸೊಮ್ಯಾ ಜೆಜು ಕ್ರಿಸ್ತಾಚ್ಯಾ ಜಿವಂತ್ಪಣಾ ವರ್ವಿಂ ಸಂಸಾರ್ ಸಂತೊಸಾಂವ್ಕ್ ತುವೆಂ ದಯಾ ಕೆಲಿ ; ತಾಚೆ ಮಾಯೆ , ಆಂಕ್ವಾರ್ ಮರಿಯೆ ಮಾರಿಫತ್ ಸಾಸ್ಣಾಚೆ ಜಿಣಿಯೆಚೊ ಸಂತೊಸ್ ಆಮ್ಕಾಂ ಲಾಬಸೊ ಕರ್ ಮ್ಹಣ್ ಆಮಿ ಮಾಗ್ತಾಂವ್. ತ್ಯಾಚ್ ಕ್ರಿಸ್ತಾ, ಆಮ್ಚ್ಯಾ ಸೊಮ್ಯಾ ಮಾರಿಫತ್. ಆಮೆನ್. 

4. ರಾಕಣ್ ಭೊಡ್ವ್ಯಾಂ ಕಡೆ ಮಾಗ್ಣೆಂ

ದೆವಾಗೆಲ್ಯಾ ಭೊಡ್ವ್ಯಾ ಮ್ಹಜ್ಯಾ ರಾಕ್ಣ್ಯಾ ಸರ್ಗಿಂಚೆ ದಯೆನ್ ಮ್ಹಾಕಾ ದಿಲಾ ತುಜೆ ತಾಬೆನ್ ಮ್ಹಜಿ ಮತ್ ಉಜ್ವಾಡಾಯ್ ಮ್ಹಾಕಾ ರಾಕ್ ಸಾಂಬಾಳ್ ಆನಿ ಚಲಯ್ . ಆಮೆನ್.

5. ಸರ್ ಲ್ಲ್ಯಾ ಭಾವಾರ್ಥ್ಯಾಂ ಪಾಸತ್ ಮಾಗ್ಣೆ.

ಸಾಸ್ಣಾಚೊ ವಿಶೆವ್ ದಿ ತಾಂಕಾಂ ಏ ಸೊಮ್ಯಾ ಆನಿ ನಿರಂತರ್ ಪ್ರಕಾಸ್ ತಾಂಚೆರ್ ಫಾಕುಂದಿ ಸಮಾಧಾನಾಂತ್ ತೆ ವಿಶೆವ್ ಘೆಂವ್ದಿತ್. ಆಮೆನ್.

6. ಆಪೊಸ್ತಲಾಂಚಿಂ ಸತ್ಮಾನ್ತಾಂ

 ಸತ್ಮಾನ್ತಾಂ ದೆವಾಕ್ ಸರ್ವ್ ಪದ್ವೆದಾರಾ ಬಾಪಾಕ್ ಸರ್ಗಾ ಆನಿ ಪ್ರಿತುಮಿಚ್ಯಾ  ರಚ್ನಾರಾಕ್, ಆನಿ ಜೆಜು ಕ್ರಿಸ್ತಾಕ್ ತಾಚ್ಯಾ  ಎಕ್ಲ್ಯಾಚ್ ಪುತಾಕ್ , ಆಮ್ಚ್ಯಾ ಸೊಮ್ಯಾಕ್ ತೊ ಪವಿತ್ರ್ ಅತ್ಯ್ಯಾಂ ವರ್ವಿಂ ಗರ್ಭಿಂ ಸಂಭವ್ಲೊ ಆಂಕ್ಟಾರ್ ಮರಿಯೆ ಥಾವ್ನ್ ಜಲ್ಮಲೊ. ಪೊನ್ಸ್ ಪಿಲಾತಾ ಖಾಲ್ ತಾಣೆಂ ಕಷ್ಟ್ ಸೊಸ್ಲೆ. ತಾಕಾ ಖುರ್ಸಾರ್ ಜೊಡ್ಲೊ, ತೊ ಮೆಲೊ, ಆನಿ ತಾಕಾ ನಿಕೆಪಿಲೊ. ತೊ ಮೆಲ್ಲ್ಯಾಂ ಮಧೆಂ ದೆಂವ್ಲೊ ತಿಸ್ರ್ಯಾ ದಿಸಾ ಮೆಲ್ಯಾಂತ್ಲೊ ಜಿವಂತ್ ಜಾಲೊ. ಸರ್ಗಾರ್ ಚಡ್ಲೊ , ಸರ್ವ್ ಪದ್ವೆದಾರ್ ದೆವಾ ಬಾಪಾಚ್ಯಾ ಉಜ್ವ್ಯಾಕ್ ಬಸ್ಲಾ. ಥಂಯ್ ಥಾವ್ನ್ ಜಿವ್ಯಾಂ ಆನಿ ಮೆಲ್ಯಾಂಚಿ ಮುನ್ಸುಬಿ ಕರುಂಕ್ ಯೆತಲೊ. ಸತ್ಮಾನ್ತಾಂ ಪವಿತ್ರ್ ಅತ್ಮ್ಯಾಕ್ ಕಥೊಲಿಕ್ ಪವಿತ್ರ್ ಸಭೆಕ್ ಭಕ್ತಾಂಚೊ ಎಕ್ತಾರ್ ಪಾತ್ಕಾಂಚೆ ಭೊಗ್ಸಣೆo ಕುಡಿಚೆಂ ಜಿವಂತ್ಪಣ್ ಸಾಸ್ಣಾಚೆಂ ಜಿವಿತ್. ಆಮೆನ್.

 ಆಮ್ಚ್ಯಾ ಬಾಪಾ ..... (1)

ನಮಾನ್ ಮರಿಯೆ..... (3)

ಮಹಿಮಾ ಬಾಪಾಕ್ ಆನಿ ಪುತಾಕ್ ಆನಿ ಪವಿತ್ರ್  ಅತ್ಯ್ಯಾಕ್

Click below 👇

1.ಸಂತೊಸಾಚೆ ಮಿಸ್ತೆರ್(ಸೊಮಾರಾ ಅನಿ ಸನ್ವಾರಾ) 

2.ದುಖಿಚೆ ಮಿಸ್ತೆರ್( ಮಂಗ್ಳಾರಾ ಆನಿ ಶುಕ್ರಾರಾ)

3.ಆನಂದಾಚೆ ಮಿಸ್ತೆರ್ (ಬುಧ್ವಾರಾ ಆನಿ ಆಯ್ತಾರಾ)

4..ಉಜ್ವಾಡಾಚೊ ಮಿಸ್ತೆರ್ (ಬ್ರೆಸ್ತಾರಾ)

7. ನಮಾನ್ ರಾಣಿಯೆ

   ನಮಾನ್ ರಾಣಿಯೆ, ಕಾಕುಳ್ತಿಚೆ ಮಾಯೆ; ನಮಾನ್, ಆಮ್ಚ್ಯಾ ಜಿವಾ, ಅಮೃತಾ ಆನಿ ಭರ್ವಶ್ಯಾ ತುಕಾ ಆಮಿ ಉಲೊ ಮಾರ್ತಾಂವ್, ಆಮಿ ಪರ್ದೇಶಿ ಎವೆಚೆಂ ಬಾಳ್ಕಾ. ಹ್ಯಾ ದುಖಾಚ್ಯಾ ಕೊಂಡಾಂತ್ ಆಸ್ತಾಂ ಆಸ್ಕಾರ್ - ಹುಸ್ಕಾರ್ ಸೊಡ್ನ್ ಆಮಿ ತುಕಾ ರುದಾನ್ ಕರ್ತಾಂವ್. ತರ್ ತುಂ , ಆಮ್ಚೆ ಶೆಕಾಯೆ ತೆ ತುಜೆ ಕಾಕುಳ್ತಿಚೆ ದೊಳೆ ಆಮ್ಚೆ ವಯ್ರ್ ಪರ್ತಿ. ಆನಿ ಹ್ಯಾ ಪರ್ದೇಶಾ ಉಪ್ರಾಂತ್ ತುಜೆ ಕುಶಿಚೆಂ ಸದೆಂವಿ ಫಳ್ ಜೆಜುಕ್ ಆಮ್ಕಾಂ ದಾಕಯ್. ಯೆ ದಯಾಳಿ ಯೆ ಮೊಗಾಳಿ, ಯೆ ದುಲಬಿ ಆಂಕ್ವಾರಿ ಮರಿಯೆ.

V) ಭಾಗೆವಂತಿ ದೆವಾಚೆ ಮಾಯೆ ಆಮಾ ಪಾಸತ್ ವಿನತಿ ಕರ್.

R) ಕ್ರಿಸ್ತಾಚ್ಯಾ  ಭಾಸಾವ್ಣ್ಯಾಂಕ್ ಆಮಿ ಫಾವೊ ಜಾಂವ್ಚೆ ಖಾತಿರ್.

8. ಸಾಯ್ಬಿಣಿಚಿ ಲದಿನ್

ಸೊಮ್ಯಾ ಕಾಕುಳ್ತ್ ಆಮ್ಚಿ ಕರ್ 

ಕ್ರಿಸ್ತಾ ಕಾಕುಳ್ತ್ ಆಮ್ಚಿ ಕರ್ 

ಸೊಮ್ಯಾ ಕಾಕುಳ್ತ್ ಆಮ್ಚಿ ಕರ್ 

ಕ್ರಿಸ್ತಾ ಆಯ್ಕಾ  ಆಮ್ಕಾಂ

ಕ್ರಿಸ್ತಾ ದಯೆನ್ ಆಯ್ಕಾ ಆಮ್ಕಾಂ

ಸರ್ಗಿಂಚ್ಯಾ ದೆವಾ ಬಾಪಾ,

ಕಾಕುಳ್ತ್ ಆಮ್ಚಿಂ ಕರ್

ದೆವಾ ಪುತಾ, ಸಂಸಾರಾಚ್ಯಾ ತಾರಕಾ,

ಕಾಕುಳ್ತ್ ಆಮ್ಚಿಂ ಕರ್

ದೆವಾ ಪವಿತ್ರ್ ಅತ್ಯ್ಯಾಂ,

ಕಾಕುಳ್ತ್ ಆಮ್ಚಿಂ ಕರ್

ಸಾಂತಿಸ್ಸಿಮಾ ತ್ರಿಂದಾದಿ ಎಕಾಚ್ ದೆವಾ,

ಕಾಕುಳ್ತ್ ಆಮ್ಚಿಂ ಕರ್

ಭಾಗೆವಂತಿ ಮರಿಯೆ 

(ಜವಾಬ್: ಅಮಾ ಪಾಸತ್ ವಿನತಿ ಕರ್)

ಭಾಗೆವಂತಿ ದೆವಾಚೆ ಮಾಯೆ 

ಭಾಗೆವಂತಿ ಆಂಕ್ಟಾರಿಂಚೆ ಆಂಕ್ವಾರಿ

ಕ್ರಿಸ್ತಾಚೆ ಮಾಯೆ 

ಪವಿತ್ರ್ ಸಭೆಚೆ ಮಾಯೆ 

ದೇವ್ - ಕುರ್ಪೆಚೆ ಮಾಯೆ

ಭೋವ್ ನಿತಳಿ ಮಾಯೆ 

ಭೋವ್ ನಿಸ್ಕಳ್ವoತಿ ಮಾಯೆ

ಖತ್ ನಾತಲ್ಲೆ ಮಾಯೆ

ಆಪುಟ್ ಮಾಯೆ

ಮೊಗಾಪಾತ್ರ್ ಮಾಯೆ

ವಿಚಿತ್ರ್ ಮಾಯೆ

ಸುಬೊಧಿನಿ ಮಾಯೆ

ರಚ್ನಾರಾಚೆ ಮಾಯೆ

ಸೊಡ್ವಣ್ದಾರಾಚೆ ಮಾಯೆ

ಭೊವ್ ಶಾಣಿ ಆಂಕ್ವಾರಿ

ಮಾನಾಪಾತ್ರ್ ಆಂಕ್ವಾರಿ

ಪರ್ಗಟುಂಕ್ ಫಾವೊ ಜಾಲ್ಲೆ ಆಂಕ್ಟಾರಿ

ಪದ್ವೆದಾರ್ ಆಂಕ್ವಾರಿ

ದಯಾಳಿ ಆಂಕ್ವಾರಿ

ವಿಶ್ವಾಶಿ ಆಂಕ್ವಾರಿ

ನಿತಿಚ್ಯಾ ಆರ್ಸ್ಯಾ

ಜಾಣ್ವಾಯೆಚ್ಯಾ ಸಿಯಾಸಣಾ

ಆಮ್ಚ್ಯಾ ಸಂತೊಸಾಚಾ ಕಾರಣಾ

ಅತ್ಮಿಕ್ ಪಂಲ್ಗಣಾ

ಮಾನ್ ಫಾವೊ ಜಾಲ್ಲ್ಯಾ ಪಂಲ್ಗಣಾ

ಭಕ್ತಿಚ್ಯಾ ಅಪರಮಿತ್ ಪಂಲ್ಗಣಾ

ಗುಪ್ತ್ ಗುಲೊಬಾ

ದಾವಿದಾಚ್ಯಾ ಬುರ್ಜಾ

ದಾಡ್ಯಾಚ್ಯಾ ಬುರ್ಜಾ

ಸುವರ್ಣಾಚ್ಯಾ ಮಂದಿರಾ

ಸೊಲ್ಲ್ಯಾಚ್ಯಾ ಆರ್ಕಾ

ಸರ್ಗಿಂಚ್ಯಾ ದಾರ್ವಾಟ್ಯಾ

ಫಾಂತ್ಯಾಫಾರಾಚ್ಯಾ ನೆಕೆತ್ರಾ

ಪಿಡೆಸ್ತಾಂಚೆ ಭಲಾಯ್ಕೆ 

ಪಾತ್ಕ್ಯಾಂಚ್ಯಾ ಆಸ್ರ್ಯಾ

ದುಖೆಸ್ತಾಂಚೆ ಭುಜಾವಣೆ

ಕ್ರಿಸ್ತಾಂವಾಂಚ್ಯಾ ಆಧಾರಾ

ಭೊಡ್ವ್ಯಾಂಚೆ ರಾಣಿಯೆ

ಪಾತ್ರಿಯಾರ್ಕಾಂಚೆ ರಾಣಿಯೆ

ಪ್ರವಾದಿಂಚೆ ರಾಣಿಯೆ

ಆಪೊಸ್ತಲಾಂಚೆ ರಾಣಿಯೆ

ಮಾರ್ತಿರಾಂಚೆ ರಾಣಿಯೆ

ಕೊನ್ಫೆಸೊರಾoಚೆ ರಾಣಿಯೆ

ಆಂಕ್ಟಾರಿಂಚೆ ರಾಣಿಯೆ

ಸಮೆಸ್ತ್ ಭಕ್ತಾಂಚೆ ರಾಣಿಯೆ

ಸಂಯ್ಭಾಚ್ಯಾ ಖತಾವಿಣ್ ಗರ್ಭಿo ಸಂಭವ್ ಲ್ಲೆ ರಾಣಿಯೆ

ಸರ್ಗಿಂ ಘೆತಲ್ಲೆ ರಾಣಿಯೆ

ಭೊವ್ ಪವಿತ್ರ್ ರೊಜಾರಿಚೆ ರಾಣಿಯೆ

ಕುಟ್ಮಾಚೆ ರಾಣಿಯೆ

ಸಮಾಧಾನಾಚೆ ರಾಣಿಯೆ

     ದೆವಾಚೆ ಶೆಳಿಯೆ ಸಂಸಾರಾಚೆಂ ಪಾಪ್ ಕಾಡ್ತಲೆ,   

                ಭೊಗೊಸ್ ಆಮ್ಕಾಂ ,ಸೊಮ್ಯಾ.

           ದೆವಾಚೆ ಶೆಳಿಯೆ ಸಂಸಾರಾಚೆಂ ಪಾಪ್ ಕಾಡ್ತಲೆ,  

       ದಯೆನ್ ಆಯ್ಕ್ ಆಮ್ಕಾಂ, ಸೊಮ್ಯಾ.

            ದೆವಾಚೆ ಶೆಳಿಯೆ ಸಂಸಾರಾಚೆಂ ಪಾಪ್ ಕಾಡ್ತಲೆ, 

               ಕಾಕುಳ್ತ್ ಆಮ್ಚಿ ಕರ್

   ತುಜೆ ಸಸಾಯೆ ಖಾಲ್ ಏ ದೆವಾಚೆ ಭಾಗೆವಂತಿ ಮಾಯೆ, ಆಮಿ ಯೆತಾಂವ್ ; ಆಮ್ಚ್ಯಾ ಮಾಗ್ಣ್ಯಾಚೊ ಬೆಪಾರ್ವೊ ಕರಿನಾಕಾ. ಪೂಣ್ ಸಮೆಸ್ತ್ ವಿಘ್ನಾಂತ್ಲಿ ಆಮ್ಕಾಂ ಸದಾಂಚ್ ನಿವಾರ್ , ಅನಂದ್ ಭರಿತ್ ಆನಿ ಸದೆoವಿ ಆಂಕ್ವಾರಿ.

V) ಭಾಗೆವಂತಿ ದೆವಾಚೆ ಮಾಯೆ ಆಮಾ ಪಾಸತ್ ವಿನತಿ ಕರ್.

R) ಕ್ರಿಸ್ತಾಚ್ಯಾ ಭಾಸಾವ್ಣ್ಯಾಂಕ್ ಆಮಿ ಫಾವೊ ಜಾಂವ್ಚೆ ಖಾತಿರ್.

ಪ್ರಾರ್ಥುಂಯಾ

ಯೆ ದೆವಾ, ತುಜ್ಯಾ ಎಕ್ಲ್ಯಾಚ್ ಪುತಾನ್ ಅಪ್ಲೆ ಜಿಣಿಯೆ, ಮೊರ್ನಾ ಆನಿ ಜಿವಂತ್ಪಣಾ ವರ್ವಿಂ ಸಾಸ್ಣಾಚೆ ಬಚಾವೆಚೆಂ ಇನಾಮ್ ಆಮ್ಕಾಂ ಜೊಡ್ನ್ ದವರ್ಲಾ. ಭಾಗೆವಂತ್ ಆಂಕ್ವಾರ್ ಮರಿಯೆಚೆ ಭೊವ್ ಪವಿತ್ರ್ ರೊಜಾರಿಚೆ ಮಿಸ್ತೆರ್ ಆಮಿ ನಿಯಾಳ್ತಾನಾ ತಾಂತುಂ ಆಟಾಪಿಲ್ಲ್ಯಾಚೊ ಆಮಿ ಪಾಟ್ಲಾವ್ ಕರಿಸೊ ಆನಿ ತಾಂತುಂ ಭಾಸಾಯಿಲ್ಲೆಂ ಆಮಿ ಜೊಡಿಶೆಂ ಕರ್ ಮ್ಹಣ್ ಆಮಿ ತುಜೆ ಲಾಗಿಂ ಪರಾತ್ತಾಂವ್. ತ್ಯಾಚ್ ಕ್ರಿಸ್ತಾ ಆಮ್ಚ್ಯಾ ಸೊಮ್ಯಾ ವರ್ವಿಂ . ಆಮೆನ್.

(ದೆವಾಚೆ ಉತರ್ ವಾಜ್ಚೆ)

ನಿಮಾಣೆಂ ಗೀತ್.....

✝️ಬಾಪಾಚೆ ಆನಿ ಪುತಾಚೆ ಆನಿ ಪವಿತ್ರ್ ಆತ್ಮ್ಯಾಚೆ ನಾಂವಿ. ಆಮೆನ್.