ಪಯ್ಲೊ ಕುಮ್ಗಾರ್

ಪಯ್ಲೊ ಕುಮ್ಗಾರ್

(ಭುರ್ಗ್ಯಾಂಚೊ ‘ಪಯ್ಲೊ ಕುಮ್ಗಾರ್ - ಏಕ್ ವಿಶಿಷ್ಟ್ ಧಾರ್ಮಿಕ್ ಕಾರ್ಯೆಂ. 

ದೇವ್ ಮಂದಿರಾಂತ್ ಹೆಂ ಕಾರ್ಯೆಂ ಚಲ್ತಾ ತರಿ, ಕುಟ್ಮಾಂತ್ ಸಯ್ರ್ಯಾಂ ಸಂಗಿಂ 

ತಾಚೊ ಸಂಭ್ರಮ್ ಚಲಂವ್ಚೆಂ ಬರೆಂ. ‘ಪಯ್ಲೊ ಕುಮ್ಗಾರ್’ ಎಕಾ  ಭುರ್ಗ್ಯಾಚಾ

ಜೀವನಾಂತ್ ಪ್ರಮುಖ್ ಆನಿ ಅರ್ಥಾಭರಿತ್ ದೀಸ್ ಮ್ಹಳ್ಳೆಂ ಆಮಿ ಮನಾಂತ್ 

ದವರ್ಚೆಂ. ಹ್ಯಾ ಉದ್ದೇಶಾನ್ ಹಾಂಗಾಸರ್ ದಿಲ್ಲಿ ಮಾಗ್ಣ್ಯಾ ವಿಧಿ ಚಲಂವ್ಚಿ ಆನಿ 

ಮಾಗ್ಣ್ಯಾ ವಿಧಿ ಬರಾಬರ್ ಅಭಿನಂದನ್ ಪಾಟಂವ್ಚೆಂ. 

ಪ್ರೇರಕಾನ್ ವಾ ಕಾರ್ಯ ನಿರ್ವಾಹಕಾನ್ ಪಯ್ಲೊ ಕುಮ್ಗಾರ್ ಸೆವೆಲ್ಯಾ  ಭುರ್ಗ್ಯಾಕ್

ತಾಚಾ ಆವಯ್ ಬಾಪಾಯ್, ಪೊದೊರ್ನ್ ಮೊದೊರ್ನಿ ಸಂಗಿಂ ಪ್ರತ್ಯೇಕ್ ಬಸ್ಕಾ 

ಘೆಂವ್ಕ್ ಉಲೊ ದಿಂವ್ಚೊ). 

1.ಪ್ರಸ್ತಾವನ್ : 

 ಆಜ್ (ನಾಂವ್)ಚೊ ಪಯ್ಲೊ ಕುಮ್ಗಾರ್ ; ಪಯ್‍ಲ್ಲೆ ಪಾವ್ಟಿಂ ಕ್ರಿಸ್ತ್ 

ಪ್ರಸಾದಾಂತ್ ಜೆಜುಕ್ ತಾಣೆಂ ಸ್ವೀಕಾರ್ ಕೆಲಾ. ಆಜ್ ಜೆಜು (ನಾಂವ್)ಚೊ ಆಪ್ತ್ 

ಈಷ್ಟ್ ಜಾವ್ನ್ ತಾಚೆ ಥಂಯ್ ಆಯ್ಲಾ. ಜೆಜುಚಿ ಇಷ್ಟಾಗತ್ ಆನಿ ತಾಚೆಂ 

ಮಾರ್ಗದರ್ಶನ್ ಆಮ್ಕಾಂ ಸರ್ವಾಂಕ್ ಗರ್ಜೆಚೆಂ. ದೆಕುನ್ (ನಾಂವ್) ಸಾಂಗಾತಾ 

ಆಮಿ ಜೆಜುಚೊ ಸಾಂಗಾತ್ ಭೊಗ್ಯಾ ಆನಿ ತಾಕಾ ಗೀತ್ ಗಾವ್ನ್ ಹರ್ಸಿಯಾಂ. 

 

2.ಗೀತ್ : ಜೆಜು ಸ್ವಾದಿಕ್ ಮೊಗಾ (ಸೊ. ಧಿ. ಇ. 11) 

 ದುಲಬ್ ಜೆಜು ಮೊಗಾಳ್ ಉದಾರ್ (ಸೊ. ಧಿ. ಒ. 3) 

3. ದಿವೊ ಪೆಟಂವ್ಚಿ ರೀತ್ : 

(ಪಯ್ಲೊ ಕುಮ್ಗಾರ್ ಸೆವ್‍ಲ್ಲ್ಯಾ ಸಂಗಿಂ ತಾಚಿಂ ಆವಯ್ ಬಾಪಯ್, ಪೊದೊರ್ನ್ 

ಮೊದೊರ್ನ್ ತಾಂಚೆ ಮುಕಾರ್ ಪಯ್ಲಂಚ್ ತಯಾರ್ ಕರ್ನ್ ದವರಲ್ಲೊ ದಿವೊ 

ಪೆಟಯ್ತಾತ್).